馬中一直都鼓勵同學參與社會服務，回饋社會。而喺剛過去嘅2月11號年廿一，一班馬中同學就嚟到路德會茜草灣長者中心同一班老友記拜個晚年。同學為老友記精心設計咗一系列嘅精彩節目，其中包括：猜燈謎、大抽獎等等。一眾老友記都樂在其中。最後馬中同學仲同各位老友記一齊享用路德會茜草灣長者中心精心準備嘅豐富盤菜，同學仔喺大快朵頤嘅同時，都不忘幫老友記夾餸、斟水，盡心盡力服務長者，同各位老友記共享溫暖時刻。最後同學仔向咁多位老友記致送紀念品，希望大家都可以過一個溫暖嘅新年啦！
內聯網
