中華文化周系列活動馬中一直致力於以多元進路推動國民教育，鞏固同學嘅國民身分認同。喺剛剛過去嘅5月12到13號，馬中就舉辦咗一連兩日嘅中華文化周系列活動，同學紛紛嚟到諸如投壺、木射、書法、剪紙等等中華傳統文化嘅體驗攤位，積極參與中華文化周活動，親身感受中華文化之美與樂趣。而喺5月13號星期二，馬中更加舉辦咗一年一度嘅初中級社際國情問答比賽，題目涵蓋中國歷史、中國地理、中國社會文化、中國科技、中國體育發展等各領域，四社出賽代表競爭激烈，台下觀賽嘅同學亦都踴躍舉手協助利用錦囊嘅台上同學答題，最終由勤社同學贏得賽事，在場所有同學亦都對我國國情、歷史與當代發展有更深認識。
內聯網
